Vie pe gnot e a matine ploie in gjenar moderade o bondante a nivel locâl par cualchi temporâl, soredut su lis zonis orientâls, cuote de nêf sui 1500 m cirche. Al soflarà aiar avonde fuart di Nord tra la planure e lis Prealps, cun svintadis ancje fuartis, Buere su la marine. Vie pal dì timp in miôr tacant di Ovest e de Cjargne e tal dopomisdì o varìn pôcs nûi cun aiars daûr a calâ.

A buinore adore in gjenar pôcs nûi. Vie pal dì plui nûi e te sere o varìn ploie moderade cun pussibilitât di cualchi precipitazion su la marine e su la fasse orientâl; cuote de nêf a 1800-2000 metris. Cul dopomisdì al soflarà aiar moderât di Sud a cuote alte.

Nûi cun ploie moderade a bugadis e pussibilitât di cualchi precipitazion improvise ca e là. Temperaduris massimis pardabon in calâ, cun cuote de nêf che tal dopomisdì e podarès lâ jù fin a 1000 m su lis Alps e a 1200 m su lis Prealps. Cul dopomisdì al soflarà aiar moderât di Nord a cuote alte e in planure e Buere avonde fuarte su la marine, soredut a Triest dulà che e podarà jessi fuarte par un pôc di timp.

Pal plui nûi cun pussibilitât di sclaridis cul dopomisdì. Vie pe gnot, su la marine e soflarà Buere moderade che vie pe matine si morestarà.

Cîl in gjenar variabil o ancje nûi temporanis che a passaran a cuote medie alte. Temperaduris in cressi cun zero termic parsore dai 3000 metris di cuote.